EN↓ 20.05/21.05.2017 17:30 БУДЕН ТЕАТАР – ПИСМО НЕКОМУ
Претставата “Писмо некому” ја раскажува приказната за осаменото китче, кое почнува да зема часови по пишување кај морскиот учител-албатросот, со цел да напише писмо со кое да покани некого да му дојде во посета. Приказната за китчето ја споделуваме користејќи интерактивн пристап и многу хумор. Децата стануваат дел од дејствието и оние кои ќе му помогнат на китчето да ја надмине својата осаменост.
На создавањето на претставата и претходеше процес на креативни работилници кои екипата на Буден Театар ги спроведе со децата од О.У.Кочо Рацин-Скопје, како и со децата бегалци сместени во Т.Ц.Табановце. Работилниците се снимаа и потоа како своевидни видео писма се проектираа меѓу двете групи деца за да воспостават комуникација, и покрај тоа што средби не беа возможни. Дел од овие видеа се вклучени во самата претстава.Овие работилници се работеа на база на приказните од книгата “Писма Некому и Никому” на реномираниот холандскиот автор за деца Тон Телехен, а и самата претстава е исто така создадена на база на овие приказни.
Режисер на претставата е Милиана Ленак, игра Сара Климовска, а настапуваат и музичарите Виктор Гајтаноски и Катерина Димитроска.
За Буден Театар
Буден Театар е професионален театарски колектив активен од 2009. Буден Театар продуцира театарски претстави, организира семинари наменети за театарски професионалци, креативни курсеви за деца, и е организатор на Меѓународниот фестивал за куклен театар Фенер. Буден Театар креира за возрасна и за детска публика секогаш применувајќи ги принципите на автентичност и иновативност. Работата со деца и за деца, Буден Театар ја смета за своја мисија со која дава допринес кон сензибилизирањето на македонското општество за важноста на квалитетниот театар во развојот на децата. Буден Театар е член на Аситеј-меѓународната мрежа за театар наменет за детска публика.
www.budenteatar.org
ЛИНК од претставата: https://www.youtube.com/watch?v=1fgE8nEpyFY&feature=youtu.be
Карти за претставата „Писмо некому“, на следниот линк:
https://www.kupikartizase.com/Events/pismo_nekomu_skopje_2017
EN»”Letter to someone” is based on the stories of the Dutch author of children Ton Telehen , and video from the creative workshops conducted within this project with refugee children placed in TC Tabanovce and the children of primary school Koco Racin Skopje.
LINK from the performance: https://www.youtube.com/watch?v=1fgE8nEpyFY&feature=youtu.be
Tickets for the performance “Letter to someone”, on the following link:
https://www.kupikartizase.com/Events/pismo_nekomu_skopje_2017